Тәжірибе жеңісі!
Бүгін лицейде мамандандырылған мектептердің ата-аналары арасында дәстүрлі облыстық волейбол турнирі өтті. Биыл турнирге 5 команда қатысты. Командалар өздерінің үздік спорттық қабілеттерін, жеңіске деген ерік - жігерлерін,ұйымшылдықтарын көрсетті. Жарыс жақсы эмоциялық деңгейде, жылы және достық атмосферада өтті. Турнир жеңімпазын бірден анықтау қиын болды, барлық командалар тек жеңіске ұмтылды. Қарсыластар ойын алаңында бірінен соң бірі ауысып, ептілік пен командалық рух көрсетті. Ерен күрестің нәтижесінде лицейдің ата-аналар командасы жүлделі үшінші орынға ие болды.
Турнир жеңімпаздары грамоталармен және бағалы сыйлықтармен марапатталды. Жүлделі орындарға жетпеген қатысушыларға белсенді қатысқаны және жеңіске деген ерік-жігері үшін сыйлықтар табыс етілді.
Біздің командамыздың жетістігін мақтан тұтамыз! Лайықты жеңістеріңізбен құттықтаймыз!