Павлодарда «Анаға тағзым» облыстық форумы өтті. Аналар күні қарсаңында дарынды балаларды тәрбиелеп өсірген Алёна Александровна Илюсизова мен Елена Григорьевна Роговская алғыс хаттармен марапатталды. «Дарынды балаларға арналған №8 мектеп-лицейі» КММ 11-сынып оқушылары халықаралық зияткерлік сайыстарда Қазақстанның атынан бірнеше рет өнер көрсетті.
Илюсизов Ринат – Қытайда өткен химиядан 58-ші Халықаралық Менделеев олимпиадасының жеңімпазы, Швейцарияда өткен 55-ші IChO халықаралық олимпиадасының күміс жүлдегері, Республикалық мектеп оқушылары олимпиадасының жеңімпазы.
Владимир Роговский Түркияда өткен 40-шы Балқан математикалық олимпиадасының, Жапонияда өткен 64-ші халықаралық математикалық олимпиаданың қола жүлдегері, Республикалық оқушылар олимпиадасының жеңімпазы.
Алёна Александровна мен Елена Григорьевнаны жастарды тәрбиелеудегі қызметтері үшін алған марапатымен құттықтаймыз.