Жыл басында мамандандырылған мектептердің іс-тәжірибесін тарату мақсатында, сонымен бірге білім мекемелерін бітіріп кеткен халықаралық, республикалық деңгейдегі олимпиада мен түрлі зияткерлік сайыстарда жеңімпаз атанған түлектердің қолдауымен облыстық білім беру басқармасы steam мамандықтарына талантты жастардың қызығушылығын таныту үшін аймақтық жастар хакатондары мен кейс-чемпионаттар сериясын жүзеге асыруды жоспарлады.
Бекітілген жоспардың ішіндегі ең ірі шаралардың бірі - Дарынды балаларға арналған №8 лицей-мектебінде өткізілген Павлодар облысының мектеп оқушылары арасындағы алғашқы "ХАКАТОН-2023" шарасы.
Хакатонға барлығы 54 командадан 300-ге жуық оқушы қатысып, іріктеу турының қорытындысы бойынша финалға 20 команда өтті. Аталған шараға ауыл мектептері командаларының сапалы дайындығын ерекше атап өткім келеді.
"ХАКАТОН-2023" қорытындысы бойынша доданың бас жүлдесін Железин ауданы Новомир орта мектебінің құрама қомандасы жеңіп алды, 1 орын иегері- дарынды балаларға арналған №8 лицей-мектебінің құрама қомандасы, 2 орын иегері - Павлодар қаласының №41 мектеп құрама қомандасы, 3 орын иегері - Павлодар қаласының А. Шәмкенов атындағы мектебінің құрама қомандасы жеңімпаз атанды.
Бұл бағыттағы жұмыс аяқталмайды, бірнеше бағыт бойынша кейс-чемпионаттар, сондай-ақ "Хакатон-2023" және барлық кейс-чемпионаттардың жеңімпаздары мен қатысушыларының қатысуымен бірінші ауқымды жазғы форумын өткізу жоспарлануда.
ИННОВАЦИЯЛЫҚ
ЖОБАЛАР
Хабарландыру
Сенім телефоны