2023 жылдың 13-19 сәуірі аралығында Порторож қаласында (Словения) қыздарға арналған халықаралық математикалық олимпиада (EGMO) өтті. Олимпиадаға әлемнің 60 елінен 240 оқушы қыз қатысты. Олимпиада қыздардың білімдері мен дағдыларының әлеуетін арттыруға көмектеседі, олардың зияткерлік белсенділікте ең жоғары нәтижелерге жетуге ұмтылысын қолдайды. Олимпиадаға әр елден 4 қатысушыдан құралған команда қатысты. Республикалық деңгейдегі олимпиадаларда жоғары нәтиже көрсеткен қыздар қатысқан іріктеу олимпиадасының қорытындысы бойынша Қазақстан Республикасы командасының құрамы анықталды. Қазақстан Республикасы құрама командасының құрамында Павлодар облысы білім басқармасының «Дарынды балаларға арналған № 8 мектеп-лицейі» КММ 10 Б сынып оқушысы Анастасия Одинцова қатысты. Анастасия 5-сыныптан бастап математикаға қатты құмар, ол халықаралық «Жібек жолы» математикалық олимпиадасының (қола медаль), Халықаралық Жәутіков олимпиадасының (қола медаль), оқушылар арасындағы республикалық олимпиаданың, Республикалық лингвистикалық олимпиаданың жеңімпазы. Словенияда да сәтті өнер көрсеткен Одинцова А. Қыздарға арналған халықаралық математикалық олимпиаданың (EGM) қорытындысы бойынша Анастасия күміс медальмен марапатталды.